Plautdietsche Medienkonferenz in Kanada

5. Plautdietsche Medienkonferenz 12. - 14. Juli 2023

Aunmaldinj

De Tiet fa de 5. Plautdietsche Medienkonferenz kjemt emma noda. Wie moaken ons reed aule PMK Deelnäma hia en Aylmer, Ontario opptonämen. Miere von Junt haben ons aul weeten jeloten daut Jie komen wellen. 
Oppe Konferenz woaren miere Väadräaj un Oabeitsgruppen aunjeboden. Teema fa de Oabeitsgruppen sent soone aus:

  • Radio – mea lieren von Audios grawieren un beoabeiden; Radio Natwoakj oppbuen
  • Äwasaten – lieren woo wie aum basten Stekja äwasaten daut et to vestonen es
  • Video – lieren woo feine Videos jemoakt un en onse Deensten jebrukt woaren
  • Schriewa – von Plautdietsche Schriewa von ieeschtemma lieren; äare Jeschichten un Schreften
  • Stemm – lieren onse Radio Stemmen to vebätren
  • Jeschichten schriewen –lieren woo wie paussende Jeschichten/Prograums schriewen un toopstalen kjennen

Bitte, malt Junt aun opp: https://forms.gle/E4qnBVhgUUFpe9Nz5.

To Friedach, 14. Juli plon wie eenen Kultur Owent met Musikj von Hoapenspäala Eduard Klassen un Senja D’Friesens.


Kost: Om de Konferenz Städ un Moltieden to dakjen, kost et $150CAD oppe Persoon.

Äwanachtunk:

  • Heima: Wie beeden Deelnäma en Heima to äwanachten onen Kost.
  • Hotel: Kost opp Deelnäma.    

Ne Vejnieejungsreis no Niagara Falls woat jeplont to dän 15. Juli. Dise Kosten sent fa eenen jiedren to betolen dee metfoaren well. 

Wie woaren eenmol Jeläajenheit jäwen Deelnama von Pearson International Airport en Toronto auftoholen. De Boss woat aum 11. Juli, Klock 3 Nomeddach Toronto veloten. Trafplauz em Airport woat lota bestemt. Un wie woaren Deelnama eenmol trigj no Pearson International Airport en Toronto fieren. De Boss woat aum 17. Juli, Klock 9 zemorjes von Aylmer loossfoaren. Trafplauz: MCS, 16 Talbot St. E. Aylmer.

Bitte, malt Junt aun opp: https://forms.gle/E4qnBVhgUUFpe9Nz5. Doamet kjenn wie de Plonung goot derchfieren.

Wan Jie wäm kjannen dee noch nich von PMK jehieet haft, feelt frie disen E-mail met to deelen.

Organisationsteam PMK 2023: Abe Wall, Helen Bergen, Diana Peters, Anita Harms, Lena Wiebe (CA) met Viktor Sawatzki (DE)

Froagen - schekjt bitte aun: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! / Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Auf unserer Website kommen verschiedene Cookies zum Einsatz: technische und funktionale, welche zum Betrieb dieser Seite notwendig sind, und solche zu Analyse-Zwecken. Details hier zu finden Sie unter Datenschutz. Sie können unsere Seite grundsätzlich auch ohne Cookies, welche nicht zum fehlerfreien Betrieb notwendig sind, nutzen. Unter Umständen kann es dann jedoch zu Beeinträchtigungen führen.